Roberto Mançini Türkiyə ilə oyundan ehtiyatlı danışdı

İtaliya millisinin baş məşqçisi Roberto Mançini Millətlər Liqası çərçivəsində bu gün Bolonyada Türkiyə ilə keçiriləcək qarşılaşma öncəsi rəqibi asan hesab etməməyi diqqətə çatdırıb.

Mançini mətbuat konfransında Türkiyə yığısını yüksək qiymətləndirib və rəqibə qarşı ehtiyatlı yanaşmağın vacib olduğunu söyləyib.

“Edə biləcəyimiz ən böyük səhv bizi asan oyunun gözlədiyini düşünmək olar. Türkiyə millisini sadəcə əvvəlki nəticələrinə görə qiymətləndirməməliyik.

O, həmçinin Vinçenzo Montellanın rəhbərliyi altında Türkiyənin güclü komanda formalaşdırdığını qeyd edib: “Vinçenzo Montella yaxşı iş görüb, Türkiyənin əla komandası var. Ola bilsin ki, onlar hazırda ən yaxşı dövrlərini yaşamırlar, lakin unutmamalıyıq ki, Montella onları Millətlər Liqasının A Liqasına yüksəldib və dünya çempionatına çıxarıb.

Mançini əlavə edib: “Onların çoxlu istedadlı oyunçusu var və sadəcə olaraq 2026-cı il dünya çempionatı ilə bağlı bəxtləri gətirməyib”.

Qeyd edək ki, Türkiyə millisi qrup mərhələsində keçirdiyi 3 oyunun hamısında məğlub olub, o cümlədən İtaliya ilə ev matçında 1:4 hesabıyla uduzub.