Ruslan Nurullayev U-23 mundialında bürünc qazandı

Azərbaycanın yunan-Roma güləşi üzrə yığma komandasının üzvü Ruslan Nurullayev U-23 dünya çempionatında fəxri kürsüyə yüksəlməyi bacarıb. Təmsilçimiz mötəbər yarışda bürünc medala sahib çıxıb.

Çempionatda 77 kiloqram çəki dərəcəsində mübarizə aparan güləşçimiz bürünc medal uğrunda həlledici görüşə vəsiqə qazanıb. Nurullayev üçüncü yer uğrunda qarşılaşmada Ukrayna idmançısı İrfan Mirzoyev ilə xalça üzərində üz-üzə gəlib.

Qarşılaşma boyu üstünlüyü əldə saxlayan Azərbaycan pəhləvanı rəqibinə 3:1 hesabı ilə qalib gələrək mundialı üçüncü pillədə başa vurub. Bununla da Ruslan Nurullayev aktivinə U-23 dünya çempionatının bürünc medalını yazdırıb.

Mənbə: GettoSport