Şamaxı klubu 3 milyon manata satışa çıxarıldı

3 noyabr 2026 — Premyer Liqada ardıcıl üçüncü mövsümünü keçirən Şamaxı futbol klubu satışa çıxarılıb. Redaksiyamıza daxil olan məlumata görə, klubun təsisçilik hüququ üçün 3 milyon manat ödəməyə hazır şəxs və ya şirkət mövcuddur. Bu barədə Sportinfo.az məlumat yayıb.

Qərarın əsas səbəbi maliyyə çətinlikləridir. Klub rəhbərliyi mövcud maliyyə şəraitində komandanı inkişaf etdirməyin mümkünsüz olduğunu bildirir və qeyd olunur ki, hazırda fəaliyyət ancaq AFFA tərəfindən ayrılan aylıq yardım paketinin hesabına davam edir.

Yay aylarında yeni sponsorlara dair müxtəlif səviyyələrdə görüşlər və danışıqlar aparılsa da, indiyədək heç bir nəticə əldə olunmayıb. Mümkün tərəfdaşlar və sponsorlar Şamaxı ilə əməkdaşlıqdan imtina edib.

Klubun rəhbərliyi bu yay bankdan böyük məbləğdə kredit götürüb ki, bu da xərclərin qarşılanmasına sərf olunub. Mənbə məlumat verir ki, büdcə problemləri uzun müddətdir davam edir, hər yay komandanın heyəti praktiki olaraq yenidən formalaşdırılır və futbolçular əvvəlki şərtlərlə qalmaq istəmirlər.

Bildirilir ki, indiki rəhbərlik gələcəkdə iş adamlarının maliyyələşməyə qoşulacağına inanmır və buna görə təsisçilik hüququnun ötürülməsi variantını nəzərdən keçirir.

Mənbə: Sportinfo.az

Hazırladı: GettoSport