Şəfa maaş borcunun bir hissəsini ödəyib, boykot önlənib

07 noyabr 2026 — Paytaxt təmsilçisi Şəfa klubunda uzun müddətdir davam edən əməkhaqqı problemi müəyyən qədər həll olunub: rəhbərlik əməkhaqqı borcunun bir hissəsini ödəyib və komanda üzvlərinə sentyabr ayına aid ödənişlər verilib. Bununla belə, ödənişlər tam tamamlanmayıb. Bu barədə Sportinfo.az məlumat yayıb.

Klubda 11 legioner var və onlardan 5-i hələ də əməkhaqqı almayıb. Həmin xarici oyunçuların sənədləri tam qaydasında olmadığı üçün siyahıdan bir neçə günlük kənarda qalıblar. Mənbələr bildirir ki, komanda üzvlərinə oktyabr ayının pulunun çox gözlənməyəcəyi, noyabrın 15-dən sonra vəsaitin köçürüləcəyi barədə məlumat verilib.

Son aylarda kollektivdə maliyyə çətinlikləri ciddi narazılığa səbəb olub: son üç ayda bir dəfə əməkhaqqı alan futbolçular bununla bağlı məşqçilərə şikayət ediblər və legionerlərin bir qismi nəzərdə tutulmuş şərtlər daxilində meydana çıxmaq istəməyib. Baş məşqçi Zaur Həşimov onları dilə tutaraq boykotun qarşısını alıb.

Bu problemlər Şəfanın mövsümə uğursuz start verməsində əsas səbəblərdən biri kimi göstərilir. Paytaxtın ağ-göy rəngli komandası 10 turdan sonra 4 xalla (1 qələbə, 1 heç-heçə, 8 məğlubiyyət) Premyer Liqa cədvəlinin 11-ci pilləsində qərarlaşır. Klub 22 ildən sonra ölkənin birinci divizionundan elitaya qayıtmışdı.

Mənbə: Sportinfo.az

Hazırladı: GettoSport