Şəfa Premyer Liqaya qayıtdı — borcu 350 min manatdan çoxdur

07 oktyabr 2026 — 22 ildən sonra Premyer Liqaya qayıdan paytaxt klubu Şəfanın cari borc yükü açıqlanıb: klubun borcu son 2–3 ay ərzində 350 min manatı keçib.

Məlumatlara görə, bu məbləğ əsasən klubun büdcəsinin hələ tam formalaşmaması və infrastruktur xərcləri ilə bağlıdır. Əsas sponsor ölkə xaricində fəaliyyət göstərsə də, maliyyə vəsaitini infrastruktur layihəsinə yönəldib.

Gənclər və İdman Nazirliyi ilə aparılan danışıqlardan sonra Şəfa Baku Arena-nı icarəyə götürüb və tərəflər 10 illik müqavilə bağlayıblar. Anlaşma əldə edilən kimi stadionda və ətraf idman qurğularında kompleks yenidənqurma işlərinə start verilib. Uzun müddət istifadəsiz qalmış stadion və bazanın təmiri böyük vəsait tələb edib.

Borcun əsas hissəsi otel, qida, geyim və digər operativ xərclərdən yaranıb. Hətta klubun Qəbələdə keçirdiyi 3 günlük təlim-məşq toplanışı da nikyə dəftərinə yazılıb.

Klub rəsmiləri və sponsorlardan gələcək maliyyə qərarları ilə bağlı əlavə tənzimləmələr edilməsi gözlənilir ki, bu da gələcəkdə borc yükünün necə dəyişəcəyini müəyyən edəcək.