Simeone Barselonaya uduzmanı şərh etdi və Alvaresdən danışdı

9 noyabr 2026. Diego Simeone La Liqanın 12-ci turunda Atletico Madridin Barcelona ilə oyunda məğlubiyyətindən sonra komandasının çıxışını dəyərləndirib. Baş məşqçi oyun ərzində komandası ilə fəxr etdiyini və rəqibin imkanlardan istifadə etdiyini vurğulayıb. Bu barədə Offsideplus.az məlumat yayıb.

Simeone demişdir: "Oyunçularımla fəxr edirəm. Bu, əla qarşılaşma idi. Komandam çox yaxşı çıxış etdi. Oyun ərzində istədiyimiz kimi oynadıq. Belə səviyyəli matçlarda vacib olan imkanlardan istifadə edə bilmədik və fürsətlərini dəyərləndirən komandaya uduzduq. İkinci hissədə çox şey dəyişmədi. Top onlarda idi, amma real imkanlar yaratmadılar. Bizim isə Xulian və Baena ilə Serlotun epizodları oldu, lakin rəqib daha səmərəli oynadı: bir imkandan qol vurdular".

Baş məşqçi xüsusi ilə Xulian Alvaresə də toxunub: "O, istedadlı futbolçudur, biz onu çox sevirik və komandaya lazımdır. Onunla işləməyə davam edəcəyik. Bu gün beş epizodun üçündə və ya dördündə iştirak etdi. Sadəcə, fərqlənməsi üçün qol çatmadı, amma bu, gələcəkdə olacaq".

Simeone bir həftə ərzində iki məğlubiyyətlə bağlı qısa şəkildə "Sakitlik, vəssalam" sözlərini səsləndirib.

Mənbə: Offsideplus.az

Hazırladı: GettoSport