Skott Maktominey Mançesterə daha ucuz qayıda bilər

Mançester Yunayted özü yetişdirdiyi futbolçu Skott Maktomineyi 2027-ci ilin yayında geri qaytarmağı düşünür. İngiltərə klubunun bu addımı Napoli ilə aparılan danışıqlarda yaranmış vəziyyətlə bağlı gündəmə gəlib.

29 yaşlı Maktomineyin Napoli ilə müqaviləsi 2028-ci ilin yayına qədərdir, lakin yeni sözləşmə məsələsində tərəflər razılığa gələ bilməyib. Danışıqların dayanması İtaliya klubunun maliyyə tələblərini yüksək hesab etməsi ilə izah olunur.

Satış mümkün olsa, Napolinin Maktominey üçün 25-30 milyon avro tələb edə biləcəyi qeyd olunur. Bu məbləğ Transfermarkt-ın oyunçunun bazar dəyəri kimi göstərdiyi 40 milyon avro qiymətindən xeyli aşağıdır və Mançester Yunaytedə yetirməsini nisbətən ucuz geri almaq imkanı yarada bilər.

Xatırladaq ki, Mançester Yunayted Maktomineyi 2024-cü ilin yayında 30,5 milyon avroya Napoliyə satıb.