Spalletti Yerri Minanı qeyri-idman hərəkətlərində ittiham etdi

13 oktyabr 2026, Çərşənbə axşamı. Turin "Yuventus"unun baş məşqçisi Luçano Spalletti İtaliya çempionatında Kalyari ilə keçirilən son oyundan sonra rəqib klubun müdafiəçisi Yerri Minanın davranışını sərt tənqid edib.

Spalletti TMW-yə istinadən kolumbiyalı futbolçunu "qeyri-idman hərəkətləri" ilə ittiham edərək hakimlərin belə epizodlara daha ciddi reaksiya verməsinin vacibliyini vurğulayıb. O, "Ötən il olduğu kimi, bu dəfə də güclü futbolçu olmasından istifadə edərək davranışları ilə bizi bir qədər ələ salır. Bəzi vəziyyətlərdə hakimlər bizi daha yaxşı qorumalıdırlar" sözlərini söyləyib.

Yerri Mina isə baş məşqçinin tənqidinə gözlənilməz və sakit reaksiya verib: "Mən öz futbolumu oynayıram. Spallettiyə dedim ki, səni sevirəm, məşqçi".

La Gazzetta dello Sport onun rəqibləri təxribata çəkmə və psixoloji təsirə alma cəhdləri ilə tanındığını, bəzən künc zərbəsini və ya cüzi təmasları nümayişkaranə qeyd etdiyini yazıb. Qeyd edilir ki, 32 yaşlı Mina 2024-cü ildən Kalyari-də çıxış edir və əvvəllər "Barselona", "Everton" və "Fiorentina" klublarının formasını geyinib.

Mənbə: GettoSport