Ten Haq Mançester Yunaytedin bərpası üçün şərtləri açıqladı

20 oktyabr 2026 — Mançester Yunaytedin sabiq baş məşqçisi Erik Ten Haq klubun əvvəlki səviyyəsinə qayıtması üçün vacib şərtləri açıqlayıb. O, İngiltərə nəhəngində çalışdığı dönəmdən məmnunluğunu və klubla bağlı dərin bağlılıq hissini ifadə edib.

Ten Haq bildirib ki, Yunaytedin yenidən uğur qazanması üçün rəhbərlik kompetent olmalı və düzgün strategiya qurulmalıdır: "Kimliyiniz nədir? İş metodlarınız necədir? Düzgün struktur və peşəkar kadrlar lazımdır. Bundan sonra isə zamana ehtiyac var".

O, klubdakı şəxsi təcrübələrindən də danışaraq, "Mən Mançester Yunayteddə keçirdiyim hər dəqiqədən həzz aldım, gözəl xatirələrim qaldı. Klubun azarkeşləri hər zaman mənə hörmətlə yanaşıb. Yunaytedin yenidən uğur qazanmasını çox istəyirəm" sözlərini söyləyib.

Ten Haq həmçinin Maykl Kerrikin baş məşqçi postundan uzaqlaşdırılması ilə bağlı fikir bildirib. O qeyd edib ki, baş məşqçinin istefası problemi həll etmir: "Baş məşqçinin istefası problemi həll etmir. Əsla, yüz faiz. Əgər nəticələr yaxşılaşmasa, azarkeşlər onun istefasını tələb edəcəklər. Bu, emosiyalardan qaynaqlanır. Rasional qərarlar qəbul etmək lazımdır".

Ten Haqa görə, Kerrik əvvəllər Midlsbroda və ötən mövsümdə yaxşı məşqçi keyfiyyətləri göstərib: "Ona sakit işləmək və planını həyata keçirmək üçün imkan verin. Düşünürəm ki, onun yaxşı məşqçi heyəti var".

Mənbə: GettoSport