“Turan Tovuz” – “Fənərbağça” matçının hakimi açıqlandı

Oktyabrın 3-də Bakıdakı Tofiq Bəhramov adına Respublika stadionunda “Turan Tovuz” və “Fənərbağça” komandaları arasında yoldaşlıq oyunu keçiriləcək. Qarşılaşmanın baş hakimi Rəvan Həmidzadə təyin olunub.

AFFA Hakimlər Komitəsi bu görüşün idarəçiliyini təcrübəli hakimə tapşırıb. Matçın başlanğıc fiti saat 20:00-da səslənəcək. Hələlik baş hakimin köməkçilərinin kimlər olacağı dəqiqləşməyib.

Qeyd edək ki, bu matç 1994-cü ilin avqust ayında komandalar arasında baş tutmuş UEFA Kuboku oyunlarına ehtiram əlaməti olaraq təşkil olunur. Həmin vaxt baş tutan hər iki dueldə Türkiyə təmsilçisi 2:0 və 5:0 hesablı qələbələr qazanmışdı.