Turan Tovuz satış iddialarını rədd etdi

29 oktyabr 2026 — Sosial şəbəkələrdə Turan Tovuz klubunun sahibi Ehtiram Quliyevin komandadan imtina edib klubun satıldığı və hazırda komandanın Həsən Zeynalovun idarə etdiyinə dair iddialar yayıldı. İdarə Heyətinin sədrinin müavini Nəsimi Paşayev həmin iddiaları şərh edib.

Paşayev bildirib ki, qurumun hüquqi statusu Turan Tovuz PFK İctimai Birliyi olaraq qalır və Ehtiram Quliyev bu birliyin idarə heyətinin sədridir: "Klubun hüquqi statusu ictimai birlikdir - 'Turan Tovuz' PFK İctimai Birliyi. Ehtiram Quliyev isə İB-nin idarə heyətinin sədridir, yəni təsisçi deyil."

O, həmçinin ictimai birlik formasında fəaliyyət göstərən təşkilatın satılıb-satılmaması ilə bağlı ortaya çıxan sualı qeyd edib: "İctimai birlik klubu sata bilərmi?!"

Qeyd edək ki, Turan Tovuz Misli Premyer Liqasında 9 turdan sonra 15 xalla dördüncü pillədə yer alır.

Mənbə: GettoSport