U-15 Avropa çempionatı: Azərbaycan 7 boksçu ilə irəlilədi

21 oktyabr 2026, Trabzon — Türkiyənin Trabzon şəhərində keçirilən boks üzrə U-15 Avropa çempionatının üçüncü günündə Azərbaycan millisinin yeddi idmançısı növbəti mərhələyə çıxıb.

Azərbaycan Boks Federasiyasının məlumatına görə, yarışın 1/8 və 1/4 final mərhələlərində aşağıdakı nəticələr qeydə alınıb:

• Veysilə Əliyeva (54 kq) 1/8 finalda şotlandiyalı Mairid Makgeoçəni 4:0 (29:27, 30:26, 29:27, 28:28, 29:27) məğlub edib. O, 1/4 finalda ukraynalı Alina İnatoviçlə üz-üzə gələcək.
• Hüseyn Rəhimli (40 kq) 1/8 finalda xorvatiyalı Matiya Yankoviçi ilk raundda tam üstünlüklə keçib. O, növbəti qarşılaşmada ingiltərəli Feliks Runi ilə qarşılaşacaq.
• Hümbət Almazov (42 kq) serbiyalı Petar Radivoyeviçi 5:0 (30:26, 30:26, 30:26, 30:26, 30:27) hesabı ilə məğlub edib. 1/4 finalda almaniyalı Kevin Lourenko de Kastro ilə qüvvəsini sınayacaq.
• Gülay Ocaqova (57 kq) 1/4 finalda italiyalı Quilia Qiustizierini 4:1 (28:29, 29:28, 29:28, 29:28, 29:28, 29:28) hesabı ilə üstələyərək yarımfinala adlayıb. Final yolunda macarıstanlı Lia Toldi ilə qarşılaşacaq.
• Rafael Abbasov (66 kq) 1/4 finalda polşalı Yan Balaya 3:2 (27:30, 30:27, 30:27, 30:27, 27:30) hesabı ilə qalib gəlib. Yarımfinalda gürcüstanlı Zakaria Tsiklauri ilə görüşəcək.
• Sərxan Haxverdiyev (70 kq) 1/4 finalda polşalı Oliver Mayanı 3:2 (30:27, 29:28, 28:29, 28:29, 30:27) hesabı ilə məğlub edib. Növbəti rəqibi italiyalı Dieqo Mastrorillo olacaq.
• Teymur Tanrıverdiyev (90 kq) 1/4 finalda türkiyəli Berat Yıldırımdan 5:0 (30:27, 30:27, 30:27, 30:27, 29:28) hesabı ilə üstün olub. Yarımfinalda rusiyalı Andrey Konstantinovla üz-üzə gələcək.

Yarış oktyabrın 25-də yekunlaşacaq.

Mənbə: GettoSport