Uğur Özdəmir hakimlərin qərarlarını tənqid etdi

2 noyabr 2026 — Sumqayıtın baş məşqçisi Uğur Özdəmir Azərbaycan Basketbol Liqasının beşinci turunda keçirilən Sabah–Sumqayıt qarşılaşmasından sonra hakimlərin idarəçiliyinə etiraz edib. Oyunu Bakı təmsilçisinin 100:85 hesablı qələbəsi ilə yekunlaşdı. Bu barədə Sportinfo.az məlumat yayıb.

Özdəmir komandasının performansını da şərh edib: “Nəticəyə baxmayaraq, oyunun müəyyən hissələrində yaxşı təsir bağışladıq. Komandamızın yeni formalaşdığını nəzərə alsaq, belə bir rəqibə qarşı pis oynamadıq. Məğlubiyyətimizin əsas səbəbi rəqibin sürətli əks-hücumlarda qazandığı 28 xal oldu. Bu da hələ tam formalaşmış komanda olmamağımızla bağlıdır.”

Baş məşqçi həmçinin hakim qərarlarının oyuna təsir etdiyini vurğulayıb: “Məğlubiyyətin səbəblərindən biri kimi hakimlərin səhv qərarlarını göstərə bilərəm. Onlar eyni qayda pozuntularını fərqli şəkildə qiymətləndirirdilər. Əlbəttə, öz səhvlərimizi də təhlil edəcəyik. Daha yaxşı oynaya bilərdik, lakin hakimlər rəqibə qarşı daha güzəştli davranırdılar. Bununla bağlı etirazlarımı onların özlərinə də bildirdim.”

Turnir cədvəlinə görə Sumqayıt keçirdiyi beş qarşılaşmadan birində qələbə qazanıb və dörd dəfə məğlub olub. Sabah isə dörd oyundan üçündə qalib gəlib.

Mənbə: Sportinfo.az

Hazırladı: GettoSport