Umarali Raxmonaliyev Viqor qarşılaşmasının çətin keçəcəyini düşünür

“Sabah” futbol klubunun yarımmüdafiəçisi Umarali Raxmonaliyev komandanın qarşıdakı oyunları və cari mövsümün gedişi haqqında danışıb. 23 yaşlı özbəkistanlı futbolçu sıx təqvimə öyrəşməli olduqlarını bildirib.

Umarali Raxmonaliyev avrokuboklardakı növbəti matçın çətin keçəcəyini vurğulayıb: “UEFA Çempionlar Liqasında “Vikinq”lə səfər oyunu çətin olacaq. Norveçə yollanmazdan əvvəl səfərdə “Turan Tovuz”la üz-üzə gələcəyik. Amma məncə, buna öyrəşməliyik. Çünki həm avrokubokda, həm də çempionatda yaxşı nəticə üçün çalışacağıq”.

O, Misli Premyer Liqasının IX turunda oktyabrın 25-də “Qarabağ”la qolsuz heç-heçə etdikləri matçı da dəyərləndirib: “Çox maraqlı oyun alındı. Azarkeşlər də zövq aldılar. Qələbə qazanmaq üçün çox çalışdıq. Amma elə alındı ki, heç-heçə oldu. Üçüncü zonada şanslarımızı reallaşdıra bilmədik”. Stadionun və ot örtüyünün əla səviyyədə olduğunu qeyd edən yarımmüdafiəçi cari mövsümün daha maraqlı keçəcəyini və mübarizənin sonadək davam edəcəyini əlavə edib.

Mənbə: GettoSport