Valdas Dambrauskas: Slaviyanın zəif tərəflərini tapacağıq

12 oktyabr 2026 — Sabahın baş məşqçisi Valdas Dambrauskas UEFA Çempionlar Liqasının liqa mərhələsinin II turunda komandasının 13 oktyabr 2026-da öz meydanında Slaviya (Praqa) ilə keçirəcəyi görüşdən əvvəl mətbuat konfransında çıxış edib.

Dambrauskas komandasının oyuna hazır olduğunu vurğulayıb və rəqibin oyun üslubunu yüksək qiymətləndirib: “Slaviya"nın çox yaxşı oyun stili var. Güclü və yüksək pressinqə üstünlük verən komandadırlar. Baş məşqçilərinin seçdiyi futbolçular bu taktikaya tam uyğundur, hücumameyilli futbol oynayırlar.”

Litvalı mütəxəssis həmçinin rəqibin zəif tərəflərini tapıb istifadə edəcəklərinə inanır: “Düşünürəm ki, oyun gedişində rəqibin zəif tərəflərini tapıb istifadə edə biləcəyik”. O, Slaviya futbolçularının səfərdən 3 xalla qayıtmaq istəklərinə də toxunub və komandasının matça xüsusi motivasiya ilə çıxacağını qeyd edib.

Baş məşqçi əlavə edib: “Bəli, rəqibin uzun müddətdir səfərdə qalib gələ bilmədiyindən xəbərdarıq. Biz nəyə qadir olduğumuzu yaxşı bilirik. Bəlkə də onlar üçün kağız üzərində asan rəqib kimi görünürük, lakin özümüzü sübut etmək üçün əla şansımız var. Şəxsən benim üçün bu, əlavə motivasiya deyil. Ən böyük motivasiyam meydana çıxıb maksimumu verməkdir. Biz bu vaxta qədər böyük yol keçərək möcüzə yaratmışıq”.

Mənbə: GettoSport