Vikinq əsas oyunçularsız Sabahla Çempionlar Liqası oyununa çıxır

Çempionlar Liqasının qrup mərhələsinin 4-cü turunda "Vikinq" noyabrın 4-dən 5-nə keçən gecə evdə Azərbaycan təmsilçisi "Sabah"la üz-üzə gələcək. Bakı vaxtı ilə qarşılaşma saat 00:00-da başlayacaq. Bu barədə Sportinfo.az məlumat yayıb.

Norveç klubunun düşərgəsində bir neçə əsas futbolçunun zədələnməsi komandanın məşqçi heyətini narahat edir. Anders Bertelsen, Veton Berişa, Sondre Byorshol, Nik D’Aqostino və Martin Ove Röset zədələr səbəbindən oyunda iştirak edə bilməyəcəklər.

Komandanın ən məhsuldar hücumçularından Peter Kristiansenin də iştirakı sual altındadır; hücumçu ağrılardan əziyyət çəkir və onun meydana çıxıb-çıxmayacağı hələ dəqiqləşməyib.

Bu qədər əsas oyunçunun eyni anda heyətdə olmaması "Vikinq" üçün ciddi problem sayılır və Norveç klubunun ehtiyat variantlarına və taktiki planına təsir edə bilər. Əvəzində, yaranmış vəziyyət "Sabah" üçün əlverişli şərait yarada bilər.

Rəqiblərin qarşılaşması "Vikinq" stadionunda keçiriləcək.

Mənbə: Sportinfo.az

Hazırladı: GettoSport