Vikinq iki baş məşqçi modeli ilə Sabaha qarşı çıxacaq

3 noyabr 2026. Çempionlar Liqasının əsas mərhələsinin IV turunda Bakı klubuna rəqib olacaq Norveçin Vikinq komandası noyabrın 4-dən 5-nə keçən gecə, Bakı vaxtı ilə saat 00:00-da meydana çıxacaq. Bu barədə Sportinfo.az məlumat yayıb.

Stavanger təmsilçisi 1899-cu ildə yaradılıb, 9 dəfə ölkə çempionu və 6 dəfə Norveç Kubokunun qalibi olub. Komanda ev oyunlarını 16 300 tamaşaçı tutumlu Vikinq stadionunda keçirir.

Vikinqdə nadir rast gəlinən idarəçilik modeli tətbiq olunur — Byarte Lunde Aarsheym və Morten Yensen 2021-ci ildən etibarən komandaya iki bərabərhüquqlu baş məşqçi kimi rəhbərlik edirlər. Hər iki mütəxəssis eyni səlahiyyətə malik olub məşq prosesi, taktiki hazırlıq və heyət seçimində birgə qərar qəbul edir; Aarsheym əsasən müdafiə, Yensen isə hücum işlərinə fokuslanır. Bu əməkdaşlıq 2025-ci ildə klubun 34 illik fasilədən sonra çempionluq qazanmasında rol oynayıb. Klub rəhbəri Yan Henrik Celsadır.

Vikinq hazırda ölkə çempionatında 59 xalla liderdir, ikinci sırada eyni xala malik Budyo Qlimt yer alır. Komandanın heyətinin əsasını norveçlilər təşkil etsə də, Slovakiya, Daniya, Niderland, Avstraliya, Yeni Zelandiya, İslandiya və Kanada çıxış edən legionerlər də mövcuddur. Qitə turnirindəki Liqa mərhələsində Vikinq əvvəlki üç görüşdən ikisində məğlub olub, birində heç-heçə edib — İngiltərədə Aston Villa və Almaniyada Ştutqarta hər iki matçda 1:3 hesabı ilə uduzub, evdə Almaniya klubu Bayern ilə 3:3 hesablı bərabərlik əldə edib.

Mənbə: Sportinfo.az

Hazırladı: GettoSport