Vinçenzo Montella Türkiyə millisindən istefa etdi və vida etdi

13 oktyabr 2026 — İtaliyalı mütəxəssis Vinçenzo Montella oktyabrın 9-da Türkiyə milli komandasının baş məşqçisi postundan ayrılıb və sosial şəbəkə vasitəsilə vida müraciəti yayımlayıb.

52 yaşlı çalışdırıcı paylaşımında Türkiyə Futbol Federasiyasına, futbolçulara, məşqçilər heyətinə və azarkeşlərə minnətdarlığını bildirərək ölkədə keçirdiyi üç illik dövrə görə təşəkkür edib.

“Hər gözəl hekayənin bir gün sonu gəlir. Ancaq bəzi səyahətlər futboldan daha vacib izlər buraxır. Türkiyə millisinə rəhbərlik etmək mənim üçün böyük şərəf idi... Sən həmişə qəlbimdə qalacaqsan.”

Montella mesajında keçmiş federasiya prezidenti Mehmet Büyükekşi və onun komandasına, hazırkı prezident İbrahim Etem Hacıosmanoğluna, məşqçilər heyətinə və gündəlik işlərdə ona dəstək göstərən əməkdaşlara xüsusi təşəkkürünü bildirib. O, futbolçuların fədakarlığını və milliyə sədaqətini vurğulayıb və ayrılıq sonrası onlardan gələn səmimi mesajların münasibətlərin nə qədər güclü olduğunu göstərdiyini qeyd edib.

Montella paylaşımında birlikdə yaşadıqları xatirələrdən, tarixi nəticələrdən və azarkeşlərin dəstəyindən danışıb və ölkə tarixinin xüsusi səhifəsinin bir hissəsi olmaqdan məmnunluq ifadə edib.

Mənbə: GettoSport