Vüsal İsgəndərli Batman Petrolsporun diqqətini çəkdi

Azərbaycan milli komandası üzvü Vüsal İsgəndərliyə Türkiyənin Superliqaya yüksəlmək istəyən Batman Petrolspor klubu qış transfer pəncərəsində maraq göstərir. Klubun baş məşqçisi Selçuk Şahin — keçmiş Fənərbaxça və Türkiyə millisinin üzvüdür.

Bildirilir ki, Batman Petrolspor hazırda liqada 4-cü pillədədir və mövsümün davamında heyətini gücləndirməyi planlaşdırır. Komanda Vüsalı qışda transfer etmək niyyətindədir, amma rəsmi razılaşma hələ yoxdu.

Vüsal İsgəndərli hazırda Kosovonun Malışeva klubunda əsas heyətin üzvüdür. Onun mövcud müqaviləsi 2027-ci il iyunun 30-na qədərdir və futbolçunun gələcəkdə hansı qərarı verəcəyi hələ məlum deyil.

30 yaşlı vinger karyerası ərzində Ankara Keçiörengücü, Boluspor, Egnatiya və Partizani kimi klublarda da çıxış edib.