Xankəndi Ultramarafonu oktyabrın 8–11-də Qəbələdən start götürəcək

III Beynəlxalq Xankəndi Ultramarafonu oktyabrın 8–11-də Qəbələ şəhərindən start götürərək Xankəndidə finişlə başa çatacaq. Yarışın təşkili Gənclər və İdman Nazirliyi, Atletika Federasiyası və Bakı Şəhər Halqası Əməliyyat Şirkətinin birgə təşkilatçılığı ilə həyata keçirilir.

Yarışçılar ümumilikdə 192 kilometr məsafəni qət edəcəklər. Ultramarafon dörd mərhələdən ibarət olacaq: Qəbələ–Ağdaş (55 km), Ağdaş–Bərdə (65 km), Bərdə–Ağdam (44 km) və Ağdam–Xankəndi (28 km).

Proqrama əsasən hər mərhələnin qalibləri ayrıca mükafatlandırılacaq, həmçinin ümumi nəticəyə görə baş mükafat təqdim olunacaq. Bu ilki yarışa beş ölkədən ümumilikdə 100 atletin iştirakı gözlənilir.

Keçmişdən bu günə

Xankəndi Ultramarafonu ilk dəfə 2024-cü ildə Xankəndi–Bakı marşrutu üzrə keçirilib; o vaxt 380 km-lik məsafəni dörd ölkədən 64 atlet qət edib. 2025-ci ildə yarış Qəbələ–Xankəndi marşrutu üzrə təşkil olunub və o zaman altı ölkədən 81 atlet iştirak etmişdi.

2026-cı ildə üçüncü dəfə keçirilən ultramarafon yenidən Qəbələ–Xankəndi marşrutu üzrə təşkil olunacaq və iştirakçıların 192 km-lik etapları tamamlayaraq Xankəndidə finişə çatması planlaşdırılır.