Yemelyanenko UFC ilə baş tutmayan müqavilənin səbəbini açıqladı

28 oktyabr 2026, Çərşənbə. Keçmiş MMA döyüşçüsü Fyodor Yemelyanenko UFC ilə baş tutmayan müqavilə danışıqları və 2009-cu ildə Dana Uaytla keçirdiyi görüş barədə danışıb. Yemelyanenko bildirib ki, o vaxt UFC onunla müqavilə bağlamaq istəyi göstərsə də, təklifin məqsədindən şübhələnib və nəticədə razılıq əldə edilməyib.

Yemelyanenko açıqlamasında görüşün meneceri Vadim Finkelşteynin təşəbbüsü ilə keçirildiyini və hüquqşünasların da danışıqlarda iştirak etdiyini qeyd edib. O, UFC rəhbərliyinin məqsədini onu “Strikeforce”la hüquqi mübahisəyə cəlb etməkdə görüb: “Dana Uaytdan məhkəmə xərclərini ödəməyə hazır olub-olmadığını soruşduq. Mənim ‘Strikeforce’dan ayrılmayacağım aydın idi… Düşünürəm ki, məni sadəcə sıxışdırmaq istəyirdilər”.

Yemelyanenko əlavə edib ki, görüş zamanı Dana Uayt aqressiv davranmayıb və əksinə, onun UFC-də çıxış etməsini istədiyini bildirib, lakin UFC rəhbərinin biznes fəaliyyətlərini və sözünün arxasında dayanmadığını qəbul etməyib: “Onun biznes aparmaq üsulu mənə yaxın deyil… Kim onu əfsanə hesab edirsə, etsin. Mən belə düşünmürəm”.

Qeyd edilir ki, Fyodor Yemelyanenko karyerası ərzində UFC-də döyüşməyib; o, “Pride”, “Strikeforce”, “Bellator” və digər təşkilatlarda çıxış edib və peşəkar karyerasını 2023-cü ildə bitirib.

Mənbə: GettoSport