Yeniyetmələrin IV Yay Olimpiya Oyunları açılışı Dakarda keçiriləcək

31 oktyabr 2026 — Yeniyetmələrin IV Yay Olimpiya Oyunlarının açılış mərasimi oktyabrın 31-də Seneqalın paytaxtı Dakar şəhərində keçiriləcək. Təntənəli mərasim futbol üzrə Seneqal milli komandasının ev stadionu olan Abdulaye Vade stadionunda təşkil olunacaq və Bakı vaxtı ilə saat 22:30-da başlayacaq. Bu barədə Sportinfo.az məlumat yayıb.

Oktyabrın 31-dən noyabrın 13-dək davam edəcək yarışlarda dünyanın müxtəlif ölkələrindən gələn yeniyetmə idmançılar 25 idman növü üzrə mübarizə aparacaqlar. Afrikada ilk dəfə təşkil olunan bu Olimpiadada Azərbaycan 8 idman növündə 13 idmançı ilə təmsil olunacaq.

Açılış mərasimində Azərbaycan komandasının bayraqdarları üzgüçülər Süleyman İsmayılzadə və Məryəm Cavadova olacaqlar. Komanda Dakarda çimərlik güləşi, üzgüçülük, taekvondo, boks, qılıncoynatma, şosse velosipedi, cüdo və atletika üzrə yarışlarda iştirak edəcək.

• Çimərlik güləşi: Günel Kərimli (55 kq), Elgün Kərimli (90 kq), Tunar Quliyev (70 kq), Nihad Süleymanlı (80 kq)
• Üzgüçülük: Süleyman İsmayılzadə, Məryəm Cavadova
• Taekvondo: Zəhra İsayeva (44 kq), Adil Kazımlı (73 kq)
• Boks: Gülər Hüseynova (51 kq)
• Qılıncoynatma: Abbas Hüseynov
• Şosse velosipedi: Nihad Xudoyev
• Cüdo: İbrahim Talıbov (55 kq)
• Atletika: Daniil Şuvayev

Yeniyetmələrin IV Yay Olimpiya Oyunları Beynəlxalq Olimpiya Komitəsinin himayəsi altında keçirilir. Yarışların Afrika qitəsində təşkil olunması qitənin Olimpiya hərəkatında iştirakının genişlənməsi baxımından xüsusi əhəmiyyət kəsb edir.

Mənbə: Sportinfo.az

Hazırladı: GettoSport