Zelim Kotsoyev ağır pəhriz saxlayır, çəkisini dəyişməyəcək

12 oktyabr 2026 — Azərbaycan millisinin üzvü Zelim Kotsoyev bu il yaşadığı çətinliklərdən, saxladığı diyetdən və gələcək planlarından danışıb. O bildirib ki, hazırda sərt pəhriz rejimindədir və çəkisini dəyişdirmək fikrində deyil.

Kotsoyev bildirib: “Ağır il idi mənim üçün. Bu il çox şey baş verdi. Daha çox işləmək lazımdır. Ümid edirəm ki, gələn il daha yaxşı olacaq”.

İdmançı bu il Avropa çempionatının yarımfinalında diskvalifikasiya olduğunu xatırladıb və qarışıq komanda yarışındakı görüşlərə də toxunub. Kotsoyev yaponiyalı rəqibinin özündən çox ağır olduğunu, ilk iki dəqiqənin çətin keçdiyini və taktikasının əvvəlcə yıxılmamaq, daha sonra qızıl xal mərhələsində qələbə qazanmağa çalışmaq olduğunu söyləyib.

90 kiloqram çəki dərəcəsində çıxış edən Kotsoyev çəkisini dəyişmək istəmədiyini vurğulayıb: “Hazırda çox ağır diyet saxlayıram. Çörək, şirniyyat kimi qidalar yemirəm. Çəkimi dəyişmək fikrim yoxdur. Elə bu çəkidə uğur qazanmağa davam etmək istəyirəm. Gələcək planlarımla bağlı hələ ki məşqçilərin göstərişlərini yerinə yetirirəm”.

Kötsoyevin bu il Bakıda keçirilən dünya çempionatının 1/8 finalında erməniəsilli Rusiya təmsilçisi Arman Adamiyana məğlub olaraq yarışdan kənarlaşdığı da qeyd edilib.

Mənbə: GettoSport