Rasmus Höylund Jezuşu itələdiyini izah etdi

Höylund insidentin detallarını açıqladı

Danimarka millisinin hücumçusu Rasmus Höylund Millətlər Liqasının üçüncü turunda Portuqaliyaya qarşı keçirilən 2:4 hesablı oyunun sonunda Jorje Jezuşu ilə yaşadığı insidenti şərh edib. Qarşılaşma Kopenhagendəki Parken stadionunda baş tutub.

Höylund bildirib ki, insident oyunun sonlarında baş verib və o, Jezuşu qeyri-idman hərəkətində ittiham edib. Futbolçu deyib: “Hər şey ona görə oldu ki, o, hətta gözlərimin içinə baxmağa belə zəhmət çəkmədi. Mən bunu qeyri-idman hərəkəti hesab edirəm. Oyunun sonunda əl sıxmağı bacarmaq lazımdır. O, mənə soyuqqanlı şəkildə toxundu, sonra isə məni görməzdən gəldi. Ona görə də dedim: ‘Ciddi deyirsən?’ Vəssalam, hər şey budur.”

Höylund həmçinin vurğulayıb ki, Kriştianu onun böyük kumiridir və ümid edir ki, Portuqaliya və Kriştianu fikir ayrılıqlarını həll edə biləcəklər.

Qeyd edək ki, Höylund görüşün 53-cü dəqiqəsində Danimarkanın ikinci qolunu rəqib qapısına göndərib.