Ağadadaş Salyanski milliyə dəvətə hazır olduğunu bildirdi

9 oktyabr 2026. U-21 millimizin hücumçusu Ağadadaş Salyanski Avropa çempionatının seçmə mərhələsinin son oyununda evdə Cəbəllütariqi 3:0 hesabı ilə məğlub etmələri haqda danışaraq, əsas milliyə çağırış gələrsə ölkəsini təmsil etməyə hazır olduğunu bildirib.

Salyanski çıxışında dedi: “Tək mən yox, bütün futbolçular əsas millidə oynamaq istəyər. Mən də daxil olmaqla hər kəs milli komandada çıxış etmək üçün can atır. İnşallah, dəvət gələrsə, böyük məmnuniyyətlə ölkəmi təmsil etməyə hazıram”. O, komandası üçün bu matçın vacibliyini vurğulayıb və qalib gəlmək istəklərini qeyd edib.

Futbolçu həmçinin U-21 millisinin topladığı xallardan danışıb: “Azərbaycan futbolu tarixində U-21 səviyyəsində ən çox 9 xal toplamışdıq. Bu gün həmin rekordu yeniləmək üçün fürsətimiz var idi. Şükürlər olsun ki, bunu bacardıq və 10 xal topladıq. Bu da bizim üçün tarixi nəticədir. Vaxt keçdikcə belə uğurları xatırlayanda insan nostalji hisslər yaşayır. Buna görə çox sevinirəm. İnşallah, gələcək toplanışlarda futbolçular 10 yox, 15-20 xal qazanmağı bacararlar”.