Araz-Naxçıvan Azərbaycan çempionatlarında 40-cı heç-heçə edib

Araz-Naxçıvan Azərbaycan çempionatlarının yüksək dəstəsində tarixində 40-cı heç-heçəsini gerçəkləşdirib. Naxçıvan təmsilçisi ölkə çempionatları tarixində bu rəqəmə çatan 21-ci komanda olub. Bu barədə Offsideplus.az və Sportal.az məlumat yayıb.

Yubiley nəticəsi oktyabrın 31-də Misli Premyer Liqasının X turu çərçivəsində keçirilən Araz-Naxçıvan – Zirə oyununda qeydə alınıb. Meydan sahibləri rəqibləri ilə 2:2 hesablı heç-heçə ediblər.

Bu nəticə ilə komanda çempionatda keçirdiyi ümumilikdə 157-ci matçında 40-cı dəfə sülhə razılaşıb. Qeydə alınan heç-heçələrin 23-ü evdə, 17-si isə səfər oyunlarının payına düşür.

Mənbə: Offsideplus.az, Sportal.az

Hazırladı: GettoSport