Azərbaycan badmintonçuları Qahirədə inkişaf düşərgəsində iştirak etdi

9 oktyabr 2026. Azərbaycanın gənclərdən ibarət badminton millisi Misirin paytaxtı Qahirədə keçirilən “BWF Youth Athlete Development Camp 2026” beynəlxalq inkişaf düşərgəsində iştirak edib.

Dünya Badminton Federasiyasının təşkil etdiyi iki günlük proqrama 15 ölkədən 95-dən çox gənc badmintonçu qatılıb. Düşərgə çərçivəsində "Shuttle Time Youth Leadership" və Beynəlxalq Olimpiya Komitəsinin "IOC Athlete365+ Self-Discovery" proqramlarına uyğun təlimlər keçirilib; iştirakçılar liderlik, ünsiyyət və komanda işi bacarıqlarını artırmaqla yanaşı texniki və taktiki məşqlərdə də iştirak ediblər.

Azərbaycanı düşərgədə aşağıdakı idmançılar təmsil edib:

• Ülvi Hüseynov
• Əmirxan İmanov
• Əli Gözəlov
• Yusif Mirələmov
• Leyla Camalzadə
• Yağmur Quliyeva
• Aysel Kazımova
• Nəzrin Mehrəlizadə

Eyni vaxtda Qahirədə təşkil olunan “VICTOR BWF World Junior Team Championships 2026” komandalararası dünya çempionatında da Azərbaycan yığması çıxış edib. Millimiz qrup mərhələsində İndoneziya və Şri-Lankaya 0:2 hesabı ilə məğlub olub; pley-off mərhələsində Qanaya 1:2 və Bolqarıstana 0:2 uduzub. Komanda Sloveniya ilə görüşdə 2:1, Zambiya ilə qarşılaşmada isə 2:0 hesablı qələbə qazanaraq çempionatı ümumi sıralamada 40-cı pillədə başa vurub.

Həm inkişaf düşərgəsi, həm də dünya junior komandalararası yarışları gənc idmançılara beynəlxalq təcrübə və komanda oyununun təkmilləşdirilməsi üçün fürsət yaradıb.