Azərbaycanlı beş boksçu U-17 Avropa çempionatında 1/4-finala yüksəldi

Monteneqronun Budva şəhərində davam edən boks üzrə U-17 Avropa çempionatında daha beş Azərbaycan idmançısı 1/4-finala yüksələrək oktyabrın 8-də növbəti döyüşlərinə çıxacaq.

Turnirin dördüncü günündə millimizin nailiyyətləri və qarşılaşma nəticələri belə olub:

• Həsrət Məmmədov (46 kq) Camal Dustiyevi (Rusiya) 5:0 (30:27, 29:28, 29:28, 29:28, 30:27) hesabı ilə məğlub edib. 1/4-finalda Kristian Mezes (Slovakiya) ilə üz-üzə gələcək.
• Qardaş Rəhimov (54 kq) Şon Kellini (İrlandiya) 3:2 (28:29, 28:29, 29:28, 29:28, 29:28) hesabı ilə üstələmişdir. O, 1/4-finalda Mikita Beskaravainy (Belarus) ilə döyüşəcək.
• Əli Abaslı (60 kq) Zeki Uğurdan (Türkiyə) qarşısında bütün raundları qazaraq yekunda 5:0 (30:27, 30:27, 30:27, 30:27, 29:28) hesabına nail olub. Onun rəqibi 1/4-finalda Aleksandru-Ahile Buhanuyuk (Moldova) olacaq.
• Yusif Həsənli (66 kq) Lukas Fulanoviçi (Xorvatiya) 5:0 (30:27, 30:27, 30:27, 29:28, 30:27) hesabı ilə məğlub edib. Növbəti mərhələdə Raul Barone (İtaliya) ilə görüşəcək.
• Hidayət Məmmədov (70 kq) Joel Şutsanı (İsveçrə) 5:0 (30:27, 30:27, 30:27, 30:27, 30:27) hesabı ilə üstələyib. O, 1/4-finalda Sandro Tsimtsba (Rusiya) ilə qarşılaşacaq.

Daha əvvəl millimizin altı boksçusu artıq 1/4-finala vəsiqə qazanmış, üç boksçumuz isə 1/8-final mərhələsində mübarizəni davam etdirir.