Draqolyub Saviç Neftçidə mövqeyini açıqladı

29 oktyabr 2026. Bakı. "Neftçi"nin avqust ayında transfer etdiyi serbiyalı yarımmüdafiəçi Draqolyub Saviç komanda daxilində hansı mövqedə daha rahat olduğunu açıqlayıb.

Saviç bildirib: "Mənim üçün bunun ciddi önəmi yoxdur" və əlavə edib: "Şəxsi istəyimi bilmək istəyirsizsə, sol vinger kimi özümü daha rahat hiss edirıəm".

Klubla bu ilin avqustunda 2+1 illik müqavilə bağlayan 25 yaşlı futbolçu həm mərkəzdə, həm də cinahlarda — xüsusən sol vinger mövqeyində çıxış edə bilir. O, yüksək sürəti, texnikası və hər iki ayağı ilə dəqiqliyi ilə seçilir.

Saviç karyerası ərzində Serbiya, Avstriya və Latviya klublarında çıxış edib. Latviya təmsilçisi RFS ilə 2023 və 2024-cü illərdə çempionluq, 2024-cü ildə isə kubok qazanan komandanın üzvü olub.

Ötən mövsüm onun sonuncu komandası TSC-də Serbiya Superliqası və kubok yarışlarında 36 matça çıxaraq 6 qol vurub və 3 məhsuldar ötürmə edib. 2026/27 mövsümünün ilk üç turunda isə Serbiya çempionatında bütün oyunlarda meydana çıxıb və 1 məhsuldar ötürməylə yadda qalıb.

Mənbə: GettoSport