Eder Militao evinə El Klasiko zamanı soyğun törədilib

2 noyabr 2026. Real Madrid-in braziliyalı müdafiəçisi Eder Militaonun Madridin La Moraleja rayonunda yerləşən villası El Klasiko matçının keçirildiyi vaxt soyulub. Bu barədə Offsideplus.az məlumat yayıb.

Hücum zamanı azı iki nəfərdən ibarət dəstə üçüncü mərtəbədəki hamam pəncərəsindən içəri daxil olub. O vaxt Militaonun ailə üzvləri birinci mərtəbədə oyunu izlədiklərinə görə yuxarıda baş verənlərdən xəbərsiz olublar.

Oğrular yataq otağını alt-üst edərək təxminən 170 min avroluq Richard Mille və 53 min avroluq Rolex saatları, Chanel çantaları və Cartier qızıl-zinət əşyalarını götürüblər. Ümumi ziyanın 350 min avrodan çox olduğu bildirilir.

Oyunun bitməsindən sonra evə qayıdan Militao hadisəni öyrəndikdən sonra polisə müraciət edib. Madrid polisi və qəsəbənin özəl mühafizə xidməti faktla bağlı genişmiqyaslı istintaq başlayıblar.

Mənbə: Offsideplus.az

Hazırladı: GettoSport