Elçin Məmmədov Avropa çempionatında bürünc medal qazandı

26 oktyabr 2026 — Portuqaliyanın Portiman şəhərində keçirilən cüdo üzrə veteranlar arasında Avropa çempionatında Azərbaycan millisinin üzvü Elçin Məmmədov M2 yaş kateqoriyasının -100 kq çəki dərəcəsində üçüncü yer uğrunda görüşdə qalib gələrək bürünc medala layiq görülüb.

Məmmədov üçüncü yer matçında Almaniya təmsilçisi Saşa Mixalskiyə üstün gələrək podyuma çıxıb. Bu nəticə ilə Azərbaycan komandası qitə çempionatında qazandığı medalların sayını dördə çatdırıb.

Qitə yarışında öncədən əldə olunmuş medallar aşağıdakı kimidir:

• Fərhad Rəcəbli — M8, -90 kq — qızıl;
• Elşən Kərimov — M4, -60 kq — gümüş;
• Babək Hacıyev — M5, -60 kq — gümüş.

Elçin Məmmədovun bürüncü ilə yanaşı komandamızın veteranlar arasında mübarizəsi Portimanda davam edir.

Mənbə: GettoSport