Erhan Toker Lions de Genève matçındakı məğlubiyyəti şərh edib

Basketbol komandasının baş məşqçisi Erhan Toker "Lions de Genève" ilə keçirilən görüşdə komandasının nümayiş etdirdiyi oyunu sərt tənqid edib. O, məğlubiyyətin əsas səbəbi kimi uzun boylu oyunçu çatışmazlığını deyil, müdafiədə buraxılan ciddi səhvləri və oyun planına əməl olunmamasını göstərib.

Toker bildirib ki, rəqibin sürətli oyununa qarşı hazır olmalarına baxmayaraq, meydanda istənilən müqaviməti göstərə bilməyiblər: "Oyun planımızın tam əksini etdik. Rəqibin sağ tərəfdən hücumlarını bağlamalı olduğumuz halda, həmin boşluqları verdik. İlk üç periodu idarə edə bilmədik və başdan sona qədər pis oynadıq".

Mütəxəssis xüsusilə hücum xəttindəki problemlərə toxunaraq, rəqibin əsas diqqətini Ceyms Freyzerdən daha çox Dre Ceksona yönəltdiyini qeyd edib. Baş məşqçinin sözlərinə görə, Freyzer öz xal limitinə çatsa da, Cekson nə müdafiədə, nə də hücumda gözlənilən faydanı verə bilib: "Ceksondan istədiyimiz töhfəni ala bilmədik. O, oyunun böyük hissəsində, üçüncü periodun ortalarına qədər xal hesabını aça bilməmişdi. Rəqib məşqçinin planı işə yaradı və Ceksonu tamamilə effektivsiz etdilər".