Harri Keyn Mbappe və Yamal haqda iddiaları rədd etdi

29 oktyabr 2026 — Bavariya və İngiltərə millisinin hücumçusu Harri Keyn Londonda keçirilən Qızıl top mərasimindən sonra sosial şəbəkədə paylaşdığı ifadənin Kilian Mbappe və Lamin Yamalaya işarə olduğu barədə gedən şayiələri təkzib edib.

Keyn mərasimdən sonra “Səssizcə çox çalış. Qoy uğurun sənin əvəzinə danışsın” yazısını paylaşmışdı. Bəzi azarkeşlər bunu Qızıl top uğrunda mübarizədə əsas rəqiblərinə eyham kimi yozmuşdular, lakin 33 yaşlı futbolçu belə bir niyyətinin olmadığını bildirib.

Keyn açıqlamasında bildirib: “Xeyr, qətiyyən belə deyil. Düzünü desəm, bu ifadəni bütün karyeram boyunca sevmişəm. O, mənim kim olduğumu, zəhmətə, intizama və fədakarlığa necə yanaşdığımı əks etdirir. Dəfələrlə təkbaşına məşq etməli olmuşam. Gördüyüm işlərin böyük hissəsi insanların gözündən uzaqda baş verir. Düşünürəm ki, bu, çox gözəl ifadədir və bir çox oğlan və qız üçün faydalı ola bilər”.

Qeyd edək ki, Londonda keçirilən mərasimdə Harri Keyn Qızıl topu qazanıb; səsvermədə Kilian Mbappe ikinci, Lamin Yamal isə üçüncü yeri tutub.

Mənbə: GettoSport