Hövsan Yarış Kompleksi mediaya təqdim olundu, FIFA U-15-ə hazırlaşır

8 oktyabr 2026 — AFFA Hövsan Yarış Kompleksində KİV nümayəndələri üçün tanışlıq turu təşkil edib. Tədbir kompleksin infrastrukturunu, tikinti prosesini və layihənin məqsədlərini təqdim etmək üçün keçirilmişdir.

Tur zamanı AFFA-nın baş katibi Cahangir Fərəcullayevin müşaviri Ramazan Səmədov jurnalistləri ərazi ilə gəzdərək yaradılan futbol meydançaları və digər idman qurğuları barədə məlumat verib. Tədbirdə 30-dan çox jurnalist iştirak edib, brifinqdə onların sualları cavablandırılıb.

Kompleksdə ilk dəfə təşkil olunacaq FIFA U-15 Dünya Çempionatı və Festivalına hazırlıq işləri davam edir. FIFA standartlarına uyğun inşa edilən obyektdə turnir oyunlarının keçirilməsi üçün 10 müasir futbol meydançası yaradılıb.

Təşkilatçılar bildiriblər ki, yarış çərçivəsində təxminən 190 ölkədən FIFA rəsmiləri və təxminən 4 min gənc futbolçu və məşqçi heyəti Azərbaycana gəlməsi gözlənir.

Rəsmi açıqlamada vurğulanıb ki, mötəbər turnirdən sonra Hövsan Yarış Kompleksi uşaq və yeniyetmə futbolunun inkişafına xidmət edəcək və müxtəlif yaş qrupları üzrə milli komandalarla futbol akademiyalarının istifadəsinə veriləcək.