İlham Əliyev U-15 dünya çempionatının açılışında komandaya təbrik etdi

26 oktyabr 2026 — Oktyabrın 24-də Bakı Kristal Zalında FIFA U-15 World Cup and Festival-in (15 yaşadək oğlanlar arasında dünya çempionatı və festivalı) rəsmi açılış mərasimi keçirilib və açılış oyunu Azərbaycan ilə Timor-Leste yığmaları arasında oynanılıb.

Tədbiri Azərbaycan Respublikasının Prezidenti İlham Əliyev, birinci xanım Mehriban Əliyeva, ailə üzvləri və FIFA prezidenti Canni İnfantino izləyiblər. Matç Azərbaycan milli komandasının 6:0 hesablı qələbəsi ilə başa çatıb.

Oyundan sonra dövlət başçısı, birinci xanım və ailə üzvləri Azərbaycan komandasının futbolçuları ilə görüşərək onları təbrik ediblər. Prezident İlham Əliyev çıxışında qeyd edib: “Bir daha təbrik edirəm. Gözəl oyun nümayiş etdirdiniz. Bütün qollar da çox gözəl, hamısı bir-birindən gözəl idi. Görünür ki, böyük məharət və peşəkarlıq tələb edən kombinasiyalar qurulmuşdu. Ona görə hamını sevindirmisiniz.”

Prezident əlavə edib ki, ölkəmizdə belə mötəbər yarışın keçirilməsi böyük hadisədir və bu ilk çempionat kimi tarixdə qalacaq. O, komandaya yeni uğurlar arzulayıb.

Mənbə: GettoSport