Karlsen Sindarovu dünya çempionluğunda favoriti saydı

26 oktyabr 2026. Beşqat dünya çempionu Magnus Karlsen noyabrın 24-də İsveçrənin Cenevrə şəhərində başlayacaq dünya çempionluğu matçı öncəsi özbək qrossmeyster Cavohir Sindarovu favorit saydığını bildirib. Qarşılaşmada dünya çempionu statuslu hindistanlı Dommaraçu Qukeş öz titulunu müdafiə edəcək; mübarizə eyni zamanda təxminən 2,5 milyon dollar dəyərində olacaq.

Karlsenin fikrincə, Sindarov son vaxtlar daha balanslı və mövqeyə real yanaşan oyun göstərir ki, bu da uzunmüddətli matçların tələblərinə uyğun gəlir. O, həmçinin uzun duellərdə psixoloji dözümlülük və həlledici anlarda düzgün qərar verməyin əhəmiyyətini vurğulayıb, lakin Qukeşin uğurlu psixoloji hazırlıqla rəqibinə ciddi problemlər yarada biləcəyini də istisna etməyib.

Başqa tanınmış qrossmeysterlər də fikirlərini bölüşüblər. Yan Nepomnyaşi bildirir ki, titullu matçlarda bəzən bir anlıq qərar nəticənin taleyini həll edə bilər. Levon Aronyan Qukeşin çətin vəziyyətlərdə fəal oyun qurmaq və sona qədər mübarizə aparmaq bacarığını önə çəkib. Maksim Vaşye-Laqrav dünya çempionunun psixoloji durumunun önəmli olduğunu qeyd edib, Çin təmsilçisi Vey Yi isə Qukeşin matça qədər formasını yaxşılaşdırmaq üçün kifayət qədər vaxtı olduğunu düşünür.

Cavohir Sindarov 2026-cı ildə Kiprdə keçirilən İddiaçılar Turnirinin qalibi olaraq dünya çempionluğu matçı üçün vəsiqə qazanıb; o, 14 partiyada 10 xal toplayaraq turniri məğlubiyyətsiz başa vurub. Sindarov həmçinin 2025-ci ildə FIDE Dünya Kubokunu qazanmışdı. Qukeş isə 2024-cü ilin dekabrında Sinqapurda Dünya Çempionu adını əldə etmişdi.

Mənbə: GettoSport