Kəpəz Qızıl top üçün klub daxilində favoritləri seçdi

16 oktyabr 2026 — Gəncənin Kəpəz klubu baş məşqçi Azər Məmmədov və futbolçuların iştirakı ilə Fransanın France Football nəşrinin təsis etdiyi Qızıl top (Ballon d’Or) mükafatı üzrə daxilən sorğu keçirib. Klubun səsverməsi "İlin ən yaxşı futbolçusu", "İlin ən yaxşı qapıçısı" və "İlin ən yaxşı məşqçisi" nominasiyaları üzrə təşkil olunub.

Seçim nəticələri

Səsvermənin yekununa görə, Kəpəz kollektivinin ən yaxşı futbolçu seçimi "Barselona"nın hücumçusu Lamin Yamal olub — o 11 səs toplayaraq Lionel Messini bir səs qabaqlayıb. İkinci yerdə Lionel Messi (10 səs), üçüncü yerdə Xviça Kvaratsxeliya (3 səs) qərarlaşıb; Kilian Mbappe 2, Maykl Olise 1 səs alıb.

Qapıçı nominasiyasında "Arsenal"ın qolkiperi David Raya 9 səslə birinci olub. İkinci yerdə Unai Simon (7 səs), üçüncü yerdə Emiliano Martines (4 səs) yer alıb. Siyahıda həmçinin Tibo Kurtua (3 səs), Xuan Qarsiya (2 səs), Vozinya (1 səs) və Yassin Bunu (1 səs) qeyd edilib.

Məşqçilər arasında ən çox səsi PSJ-nin çalışdırıcısı Luis Enrike toplayıb — 19 səs. Mikel Arteta 5, Luis de la Fuente isə 3 səs qazanıb.

Qeyd edək ki, Qızıl top mükafatına namizədlər 2025-ci il 3 avqustdan 2026-cı il 19 iyuladəkki nəticələr əsasında müəyyənləşdirilib. Mükafatın qalibləri oktyabrın 26-da Londonda keçiriləcək mərasimdə açıqlanacaq.

Mənbə: GettoSport