Kili Qonsales Messinin millidən gedişini dəyərləndirdi

"İnter Mayami"nin baş məşqçisi Kili Qonsales Lionel Messinin Argentina millisindəki karyerasını başa vurmasından sonra yaşayacağı hisslər barədə fikirlərini bölüşüb. Mütəxəssis 39 yaşlı hücumçunun yığma komandadan ayrılmasının heç də asan olmadığını vurğulayıb.

Baş məşqçi argentinalı ulduzun milli komanda ilə vidalaşmasının təsirindən bəhs edib: "Əlbəttə, hamı onu milli komandanın formasında görmək üçün darıxacaq. Amma indi Messi bizimlədir və onun burada olmasından zövq almalıyıq. O özü də karyerasını başa vurduğu gündən ömrünün sonuna qədər milli üçün darıxacaq. Göstərdiyi təsir və qoyduğu irs onun üçün hər zaman xüsusi olacaq".

Qonsales forvardın yaşına və əldə etdiyi çoxsaylı titullara baxmayaraq, yüksək motivasiyasını qoruduğunu da əlavə edib. Məşqçinin sözlərinə görə, təcrübəli oyunçu komandaya hər gün fərqli ruh aşılayır, həm kollektivdən, həm də məşqçilər korpusundan maksimum performans tələb edərək hamını daha yaxşı olmağa sövq edir.

Messi Argentina millisinin heyətindəki vida matçında Benin komandasına 3:0 hesabı ilə qalib gəldikləri görüşdə bir qol və iki məhsuldar ötürmə müəllifi olub. "İnter Mayami" klubu isə növbəti matçını oktyabrın 11-də "Di Si Yunayted"ə qarşı keçirəcək.