Kriştiano Ronaldo FPF ilə açıqlamasını əvvəlcədən razılaşdırıb

Portuqaliya millisinin kapitanı Kriştiano Ronaldo oktyabrın 6-da yayılan açıqlamasını Portuqaliya Futbol Federasiyası (FPF) ilə əvvəlcədən razılaşdırdığını bildirib. 41 yaşlı futbolçu baş məşqçi Jorje Jezuşla yaşanan fikir ayrılıqlarının zamanla həll olunacağına ümid etdiyini vurğulayıb.

Məlumata görə, Ronaldo açıqlama ilə federasiyanı tənqid etmək niyyətində olmayıb; onun əsas məqsədi baş verən hadisələrə öz mövqeyindən aydınlıq gətirmək olub. Hazırda futbolçu yaranmış vəziyyətə sakit yanaşır.

Xatırladaq ki, Ronaldo sentyabrın 30-da Portuqaliya millisinin düşərgəsini icazəsiz tərk etmişdi. Daha sonra o, verdiyi açıqlamada Jorje Jezuşu vədlərinə əməl etməməkdə günahlandırmışdı.

FPF və Ronaldo arasında açıqlamanın öncədən razılaşdırılması barədə məlumat The Athletic-ə istinadən yayılıb.