Kriştiano Ronaldonun paylaşımına milli üzvlərindən reaksiya yoxdur

Portuqaliya millisinin futbolçularından heç biri Kriştiano Ronaldonun baş məşqçi Jorje Jezuşla yaşadığı münaqişə ilə bağlı sosial şəbəkə paylaşımına heç bir reaksiya verməyib. Komanda üzvlərindən heç kim təcrübəli hücumçunun düşərgəni tərk etmə səbəblərini izah etdiyi həmin nəşri nə bəyənib, nə də ona şərh yazıb.

Xatırladaq ki, oktyabrın 4-də keçirilən Portuqaliya - Norveç qarşılaşmasından əvvəl 41 yaşlı futbolçu baş məşqçi Jorje Jezuşun onu əsas heyətdə meydana buraxmamaq qərarından sonra milli komandanı tərk etmişdi. Daha sonra açıqlama yayan hücumçu çalışdırıcını ona verdiyi vədləri yerinə yetirməməkdə, eləcə də mətbuat konfransında onunla razılaşdırılmayan fikirlər səsləndirməkdə ittiham etmişdi.

Bununla belə, Ronaldonun “Instagram” platformasındakı paylaşımı ümumilikdə 18 milyondan çox bəyənmə və 62 mindən artıq şərh toplayıb. Onun “Facebook” səhifəsindəki paylaşımı isə 1,5 milyondan artıq reaksiya və 62 min şərh alıb.