Mbappe Realdan 2027-ci ildə ayrılmaq qərarına gəlib

6 oktyabr 2026 — Kilian Mbappe 2027-ci ilin yayında Real Madriddən ayrılmaq qərarı verib. Jurnalist Fransua Qalyardo bildirir ki, 27 yaşlı hücumçu İspaniya klubundan məyusdur və Madriddən getmək niyyətindədir.

Qalyardo əlavə edib ki, Real rəhbərliyi Mbappenin ayrılmasına mane olmayacaq və fransalı futbolçunun karyerasını İngiltərə Premyer Liqasında davam etdirəcəyi iddia olunur.

Mbappe 2024-cü ildən Real Madriddə çıxış edir və onun klubla müqaviləsi 2029-cu ilin yayına qədər qüvvədədir. Transfermarkt portalı hücumçunun transfer dəyərini 200 milyon avro (təxminən 400 milyon manat) qiymətləndirir.

Cari mövsümdə Mbappe səkkiz oyunda səkkiz qol vurub və iki məhsuldar ötürmə edib.