Mbappe səbəbiylə Çində La Liqa yayımları müvəqqəti dayandırıldı

27 oktyabr 2026 — Çin televiziyası və media mənbələri bildirirlər ki, Kilian Mbappenin Çinlə bağlı qalmaqallı açıqlamalarından sonra ölkədə İspaniya çempionatı La Liqa matçlarının yayımlanması müvəqqəti dayandırılıb.

Real Madrid və Fransa milli komandasının hücumçusu Mbappe müsahibəsində özünü diktator kimi təsvir edən memlərdən istifadə etdiyini deyib: "Ən çox gülüşə səbəb olan mem məni Çin diktatoru obrazında göstərən idi. Dostlarımla yazışanda ondan tez-tez istifadə edirəm". Bu açıqlamanın dərhal ardından Çinin üç böyük şirkəti futbolçu ilə əməkdaşlıqlarını dayandırıb.

Çinin dövlət kanalı CCTV-yə istinadən The Paper nəşri xəbər verir ki, Mbappenin sözlərinə görə ölkə daxilində La Liqa qarşılaşmalarının yayımı müvəqqəti olaraq dondurulub və futbolçunun iştirak etdiyi reklamlar efirdən çıxarılıb.

Bundan əlavə, Çinin "RedNote" sosial şəbəkəsi Mbappe ilə bağlı bütün kontent və materialları nəzərdən keçirərək platformadan silməyə başladığını açıqlayıb.

Hadisə ilə bağlı əlavə rəsmi açıqlamalar və yayımlara nə vaxt yenidən başlanacağı barədə məlumatlar hələ verilməyib.

Mənbə: GettoSport