Naci Şensoy Turan Tovuzun çempionluğunu mümkünsüz saymadı

06 oktyabr 2026 — Türkiyəli məşqçi Naci Şensoy bu gün verdiyi açıqlamada bölgə təmsilçisi Turan Tovuzun gələcəkdə çempion ola biləcəyini istisna etmədiyini söyləyib.

68 yaşlı mütəxəssis sualı cavablandırarkən qətiyyətli danışıb: “Niyə də yox?! Bunun çoxlu nümunəsi var. Türkiyədə Bursaspor çempion oldu, Başakşehir çempion oldu. Halbuki həmin vaxt liqada ‘dörd böyük’ var idi. İngiltərədə Leicester çempionluq sevincini yaşadı. Çoxlu belə nümunələr var. Ona görə ‘olmaz’ deyə bir şey yoxdur.”

Şensoy əlavə edib ki, uğur üçün məsələyə subyektiv yox, obyektiv yanaşmaq lazımdır: “Şərtləri, imkanları və rəqiblərin vəziyyətini real şəkildə masaya yatırmaq lazımdır”.

Mütəxəssis Azərbaycan futbolunu daim izlədiyini vurğulayıb və kəskin, demokrat fikirləri ilə tanındığını xatırladıb. O, müxtəlif dövrlərdə üç dəfə Turan komandasını çalışdırıb.