Neftçi noyabrın 6-dakı oyununun biletlərini 2 manatdan satışa çıxardı

Noyabrın 6-da Palms Sports Arena-da saat 20:00-da başlayacaq Azərbaycan Premyer Liqasının 11-ci tur matçı Neftçi–Kəpəz üçün biletlər satışa çıxarılıb. Bu barədə Sportal.az məlumat yayıb.

İlkin mərhələdə Qərb 2, Banişevski alt, VIP Silver 1, VIP Silver 2 və VIP Family sektorları üzrə biletlər satışa qoyulub. Bilet qiymətləri 2–15 AZN arasında müəyyən edilib.

Biletləri Neftçi klubunun mobil tətbiqi və bilet.neftchi.az saytı vasitəsilə onlayn almaq mümkündür. Qərb 1, Forza, Şərq 1, Şərq 2, Şimal 1, Şimal 2, Banişevski üst və VIP Gold sektorlarına biletlər daha sonra satışa çıxarılacaq.

Fiziki bilet satışı oyunun keçiriləcəyi gün — noyabrın 6-da — saat 14:00-dan etibarən stadionun kassasında başlayacaq.

Mənbə: Sportal.az

Hazırladı: GettoSport