Nihat Məmmədli dünya çempionatının finalında məğlub oldu

28 oktyabr 2026. Qazaxıstanın paytaxtı Astanada keçirilən güləş üzrə dünya çempionatının yunan-Roma yarışlarının 63 kq kateqoriyasında çıxış edən Nihat Məmmədli final mərhələsində ermənistanlı Karen Aslanyana 4:8 hesabı ilə uduzub və turniri gümüş medalla yekunlaşdırıb.

67 kq çəki dərəcəsində mübarizə aparan Həsrət Cəfərov üçüncü yer uğrunda görüşdə Qazaxıstan təmsilçisi Bağdat Sabazla qarşılaşıb. Cəfərov rəqibinə 5:7 hesabı ilə məğlub olaraq beşinci yerdə qalıb.

Turnir çərçivəsində daha əvvəl yunan-Roma güləşçilərimizdən Eldəniz Əzizli (55 kq) və Sənan Süleymanov (77 kq) qızıl medal qazanıblar. İslam Abbasov isə 1/8 finalda bolqarıstanlı Olimpiya çempionu Semyon Novikova uduzaraq mundialdakı çıxışını başa vurub.

Güləş üzrə dünya çempionatı noyabrın 1-də yekunlaşacaq.

Mənbə: GettoSport