Pyerluici Kollina U-15 dünya çempionatını izləmək üçün Azərbaycana gəldi

27 oktyabr 2026 — FIFA Hakimlər Komitəsinin sədri, sabiq hakim Pyerluici Kollina Azərbaycana gəlib. O, ölkəmizdə keçirilən U-15 yığma komandaların dünya çempionatını izləmək üçün səfər edib.

CBC Sport Kollinanın Azərbaycana gəlməsinə aid görüntülər yayımlayıb. Mənbəyə görə, Kollina çempionat çərçivəsində keçirilən oyunları izləyəcək və tədbirlə bağlı müşahidələr aparacaq.

Bundan əvvəl FIFA-nın qlobal futbol inkişafı üzrə rəhbəri, "Arsenal"ın sabiq əfsanəvi baş məşqçisi Arsen Venger də eyni çempionatla əlaqədar Azərbaycana səfər etmişdi.

Mənbə: GettoSport