Quti: Barselona El Klasikoda azlıqda qalmalı idi

26 oktyabr 2026. Sabıx "Real Madrid" yarımmüdafiəçisi Quti El Klasiko sonrası fikirlərini açıqlayıb və hesab edib ki, "Barselona" qarşılaşmanın ikinci hissəsində azlıqda qalmalı idi. Oyun "Real Madrid"in 2:1 hesablı qələbəsi ilə başa çatıb.

Quti diqqəti 59-cu dəqiqədə baş verən epizoda çəkib: "Barselona"nın müdafiəçisi Joau Kanselu "Real"in vingeri Yan Diomandeni baldır nahiyəsindən tapdalayıb. Hakim Xuan Martines Munuera bu hərəkəti cəzalandırmayıb, VAR isə epizoda müdaxilə etməyib. Diomande bir müddət meydanı tərk edib.

Quti qeyd edib ki, həmin epizod birbaşa qırmızı vərəqəlikdir və buna görə də "Barselona" azlıqda olmalı idi.

70-ci dəqiqədə isə kataloniyalıların müdafiəçisi Aleks Balde cərimə meydançasında Kilian Mbappe ilə mübarizədə topa əli ilə toxunub; hakim bu qayda pozuntusunu qeydə almayıb və VAR yenə müdaxilə etməyib. Quti bu epizodda penalti üçün əsas olmadığını vurğulayıb.

Hakim Iturralde isə Kanselunun Diomandeni tapdalamasını sarı vərəqəlik hesab etdiyini və VAR müdaxiləsinə ehtiyac olmadığını bildirib.

Mənbə: GettoSport