Read Səmədov rapiddə dünya üçüncüsü oldu

6 noyabr 2026 — Birləşmiş Ərəb Əmirliklərinin Əl-Əyn şəhərində təşkil olunan gənclərin (U-20) dünya çempionatında rapid proqramı başa çatıb. Azərbaycanı yarışda Read Səmədov və Şiroğlan Talıbov təmsil ediblər. Bu barədə Sportinfo.az məlumat yayıb.

9 turun sonunda Read Səmədov 7 xal toplayaraq turniri üçüncü pillədə tamamlayıb. O, liderdən cəmi yarım xal geri qalıb.

Şiroğlan Talıbov rapiddə 6,5 xal yığaraq ümumi siyahıda 8-ci sırada qərarlaşıb. Ümumilikdə turnirdə 91 şahmatçı mübarizə aparıb.

Turnirin proqramında bu gün və sabah blits üzrə qarşılaşmalar nəzərdə tutulub.

Mənbə: Sportinfo.az

Hazırladı: GettoSport