Rəşad Sadıqovun Zirəsində Papunaşvili 1 ay olmayacaq

31 oktyabr 2026 — "Zirə"nin baş məşqçisi Rəşad Sadıqovun komandasına daha bir zədə xəbərı gəlib: gürcüstanlı yarımmüdafiəçi Giorgi Papunaşvili təkrar tibbi müayinədən sonra qarşıdakı 1 ay ərzində meydana çıxmayacaq. Bu barədə Sportinfo.az məlumat yayıb.

Məlumata görə, 31 yaşlı legionerin çiyni çıxıb və bundan sonra reabilitasiya və müalicə prosesinə ehtiyac var. Təkrar müayinə nəticəsində onun bir aylıq sıradan çıxması dəqiqləşib.

Klub hazırda zədəli oyunçuların çoxluğu ilə üzləşir — onların sayı 10-u ötüb. Aralarında əməliyyat olunan futbolçular, bir neçə həftə müalicə kursu keçməli olan oyunçular var; bəziləri isə ağrıkəsici iynələrdən sonra meydana çıxır.

Bu vəziyyət ehtiyat skamiyasının daralmasına səbəb olub və Rəşad Sadıqovun start heyətini tam formalaşdırmaqda çətinlik yaradır.

Mənbə: Sportinfo.az

Hazırladı: GettoSport