Luka Donçiç aqressiv müdafiələri tənqid etdi

31 oktyabr 2026, Şənbə. Los Anceles Leykers səfərdə Qolden Steyt Uorriors qarşısında 25 xallıq üstünlüyü əldən verərək məğlub oldu və komandanın lideri Luka Donçiç matçdan sonra jurnalistlərə müraciət etdi. Bu barədə Offsideplus.az məlumat yayıb.

Donçiç fərdi göstəricilərini saxlayıb — 36,2 xal, 7,6 assist, 6,8 ribaund — lakin yeni formalaşan heyətlə uyğunlaşmanın vaxt tələb etdiyini vurğulayıb: "Nə lazım olduğunu dəqiq bilmirəm. Aydındır ki, məşqlər və oyunlar vacibdir. Bu, zaman istəyir. Heyətimizdə çoxlu yeni oyunçular var, amma onlarla oynamaqdan zövq alıram".

Sloveniyalı ulduz həmçinin kollektiv məsuliyyəti önə çəkib: "Hər kəs daha yaxşı oynaya bilər. İlk növbədə mən özüm. Birlikdə uduzuruq, birlikdə qalib gəlirik".

İkinci hissədə Leykersin hücumda çətinlik çəkməsinin əsas səbəbi Uorriorsun tətbiq etdiyi aqressiv müdafiələr olub. Donçiç bildirib ki, rəqib tez-tez ona qarşı ikili pressinq tətbiq edib və bu vəziyyətlərdə komandə daha yaxşı çıxış etməli idi: "Karyeram boyu, hətta Avropada oynayanda da bu cür müdafiələrlə üzləşmişəm. Artıq buna öyrəşmişəm, amma bu vəziyyətlərdə daha yaxşı çıxış etməliyik. İki müdafiəçi üzərimə gələndə dördə qarşı üç üstünlük yaranır və bu fürsətdən istifadə etməliyik".

İki oyundur ardıcıl məğlub olan Leykers növbəti qarşılaşmalarını öz meydanında keçirəcək: bazar günü Toronto Reptorsu, ertəsi gün isə Mayami Hiti qəbul edəcəklər.

Mənbə: Offsideplus.az

Hazırladı: GettoSport